AHO OKA MANASUKU NEDE PUTTINA ROJU SONG LYRICS IN TELUGU FROM THE MOVIE ALLARI PRIYUDU

అహో ఒక మనసుకు నేడే

        చిత్రం - అల్లరి ప్రియుడు 

సంగీతం - ఎం ఎం కీరవాణి 

  సాహిత్యం - వేటూరి సుందరరామమూర్తి 

గానం - బాలుగారు, చిత్రమ్మ 

24 Beat BGM 

M - అహో... ఒక మనసుకు నేడే... 2 Beat పుట్టిన రోజు... 4 Beat

అహో....  తన పల్లవి పాడే... 2 Beat  చల్లని రోజు... 4 Beat

ఇదే...  ఇదే...  కుహూ స్వరాల కానుక

మరో వసంత గీతిక  జనించు రోజు.. 

F - అహో... ఒక మనసుకు నేడే... పుట్టిన రోజు... 

అహో....  తన పల్లవి పాడే... చల్లని రోజు... 

36 Beat BGM 

M - మాట పలుకు తెలియనిది

మాటున ఉండే మూగ మది

కమ్మని తలపుల కావ్యమయె

కవితలు రాసే మౌనమది..... 

F - రాగల రోజుల ఊహలకి

స్వాగతమిచ్చే రాగమది

శృతిలయలెరగని ఊపిరికి

స్వరములు కూర్చే గానమది... 

M - ఋతువుల రంగులు మార్చేది... 

కల్పన కలిగిన మది భావం... 

బ్రతుకును పాటగ మలిచేది... 

మనసున కదిలిన మృదునాదం

F - కలవని దిక్కులు కలిపేది

నింగిని నేలకు దింపేది

తనే కదా వారధి

క్షణాలకే సారథి మనస్సనేది

అహో... ఒక మనసుకు నేడే...  పుట్టిన రోజు... 

M - అహో....  తన పల్లవి పాడే చల్లని రోజు... 

40 Beat BGM 

M - చూపులకెన్నడు దొరకనిది

రంగు రూపు లేని మది

రెప్పలు తెరవని కన్నులకు

స్వప్నాలెన్నో చూపినది.... 

F - వెచ్చని చెలిమిని పొందినది

వెన్నెల కళగల నిండు మది

కాటుక చీకటి రాతిరికి

బాటను చూపే నేస్తమది... 

M - చేతికి అందని జాబిలిలా.. 

కాంతులు పంచే మణిదీపం.. 

కొమ్మల చాటున కోయిలలా... 

కాలం నిలిపే అనురా..గం.. 

F - అడగని వరములు కురిపించి

అమృతవర్షిణి అనిపించే

అమూల్యమైన పెన్నిధి

శుభోదయాల సన్నిధి మనస్సనేది.. 

M - అహో... ఒక మనసుకు నేడే  పుట్టిన రోజు.. 

అహో....  తన పల్లవి పాడే  చల్లని రోజు.. 

F - ఇదే...  ఇదే...  

Both  - కుహూ స్వరాల కానుక..

మరో వసంత గీతిక.. జనించు రోజు..

BGM